Acte notarié par Claude Auber entre Symphorien Rousseau et Noël Rose

0.00_1662-03-05_Achat Terre 2_1_de_3.jpg

Pardevant Claude Auber Nottaire

et greffier en La Coste Seigneurye de beaupré et

tesmoingtz Soubzsignez Le dimanche Cinqe Jour

 

de Mars gbjc Soixante et deux fut present en Sa

personne siphorian Rousseau habitant en Cestedicte

coste et seigneurye Lequel de Son bon Gré pure

 

franche Liberté et Volonté a Recongneu Confessé

Recongnoist et Confesse avoir Cedict jour vendu

quitté Ceddé et delaissé vent quitte Cedde et

delaisse du tout des Maintenant et a tousiours

 

garanty faire Jouir Sans aucuns troubles Ny

empeschementz quelconques Noel Rose demeurant en

Jcelle Coste a Ce present et acceptant Cest a Scavoir

une Concession et habita’on Scise en ladicte coste en la

Seigneurye de Lothainville abbouttissante dun bout

Sur le grand fleuve Sainct Laurentz et dautre bout

 

Sur La Routte ou chemin qui Regnera Le long des

haibta’ons tenante d’un coste a Abraham fiset, et

dautre costé a pierre petit Suivant les Lignes et

Rumbs de vent qui leurs Seront designes pour en

Jouir p. led. acquereur ses hoyrs ou ayant Cause

 

et en faire et disposer ainsy que bon Luy semblera

et Comme de Son propre et vray heritage avec tout

et tel droict de Chasser pescher et faucher Sur lad.

 

concession ainsy quauroict peu faire ledict vendeur

et Sadicte femme Jceux garantissant Ladicte Concession

 

et habita’on estre tenue des fiefz de Ladicte

seigneurye de Lothainville et en oultre Chargee

de faire et payer au domaine dJcelle Seigneurye

annuellement et Ce au Jour et feste de St Remy chef 

0.00_1662-03-05_Achat Terre 2_2_de_3.jpg

d’Octobre p. Chacun desd. arpentz de front vingt

solz tz de Rente seigneurialle et deux Chappons vifs

pour toutte La Concession Lesd. Centz et Rentes

portant lhoctz et ventes saisine et amende Suivant

La Coustume de La prevosté et viconté de paris

                                                                                    Charges

quand le Cas y escherra touttes Lesquelles Seront

faicte payee et acquittee pour ladvenir p. led. acquereur

et en acquittera et deschargera Ledict vendeur et Sadicte

femme sy bien et a temps quil Ne Leur en arrivera

aucune perthe Ny d’hommage et fut aut La presente

vente faicte aux Charges et Conditions cy dessus

et en oultre pour et parmy La Somme de Soixante

Livres tz payable en deux termes et Sommes esgalles

 

a sçavoir au prochain Navire venant de france en

Ce pays et dans La presente annee La somme de

trente Livres faisant Moictye de Lad. Somme de

Soixante Livres et Lautre Moictié qui est pareille

somme de trente Livres payable apres La prochaine

Recolte garantissant led. vendeur et Sadicte femme

y avoir de travail faict sur lad. Concession un arpent

 

de terre Nette un arpent de boys abbattu Laisse

ledict vendeur Sur Ladicte et habita’on le Nombre de

vingt troys allerons de plusieurs longueur quatre

Nasces avec leurs engueullementz le tout tel quel et

propre pour faire pesche d’anguille de quoy led.

acquereur a promis donner et Rendre audict

vendeur pour payement et satisfaction desd. allerons

Nasces et engueullementz La Somme de trente Livres

tz payable au Jour et feste de Noel porchain

venant et le Tout en argent Castor billetz

vallable ou autre Marchandise faisant le

Cour du pays et promet led. vendeur audict

 

acquereur Luy faire Rattiffier Le present Contract

a Jeanne S               Sa femme touttesfoys et                                              

0.00_1662-03-05_Achat Terre 2_3_de_3.jpg

quantes quil luy plaira Car ainsy a esté accordé

entre les partyes et dont &c promettant &c Obligeant

&c Renonceant &c dessaisissant &c Ce fut f’t et

passé audict beaupré Au Chasteau Richer Lan et

Jour que desus en presence du sr francoys bellenger

seigneur en partye de Lad. Coste et seigneurye et

Le sr francoys fortin Chirurgien et habitant en Jcelle

coste a Ce presentz tesmoingtz Lesquelz ont avec Moy

Nottaire susd. et Soubzné signé a la presente Minnutte

et ont lesd. vendeur et acquereur dict et declaré Ne

Scavoir escrire Ny signer de ce Jnterpellez suivant

Lordonnan. et a este Mis tout presentement le Contract

de dona’on p. led. vendeur es Mains dud. acqueureur pour

Luy valloir et servir quil ap’tien. pntz lesd. tesm.

        

                 f belenger (paraphe)         f fortin (paraphe)

                 

 

                                               Aubert  (paraphe)

                                                          Nott.

 

Transcrit par Normand Bertrand avril 2021