Acte notarié par Claude Auber entre Pierre Cochon dit Lafontaine et Noël Rose
Pardevant Claude Auber Nottaire et
greffier en La Coste et seigneurye de beaupré et
tesmoingtz soubzsignez Le Sabmedy dixe Jour de
Juin gbjc Soixante et deux fut present en Sa
personne pierre Cochon sieur de Lafontayne habant
en Cestedicte Coste et seigneurye Lequel de son bon
gré pure franche Liberté et volonté a Recongneu
et Recongnoist par ces presentes Sans aucunes
Contraincte Avoir baillé A Noel Rose a Ce present
et acceptant Lad. prinse Cest A scavoir une
Concession et habita’on apartenante audict sieur
bailleur scise en Ladicte Coste au Lieu vulgairement
appellé Le petit Cap et proche le Ruisseau
nommé La grande Riviere tenante dun Costé A
Jacque dodier et dautre sur Richard du Mesnil de
escuyer Laquelle terre et Concession afferme led.
preneur en estre bien Comptent pour avoir bien
et deubement veu et visité Jcelle Ladicte prinse
estant pour le temps et terme de troys annes
Consecutifves et Sans Jntervalle a Commencer du Jour
et feste de toussainct prochainement venant et
finissant a pareil Jour et terme et a toutte Moictyé
en fournissant p. led. sieur bailleur La Moictye
des semences Requises et Necessaire estre semer
sur lesdictes terres Seront les grains battus p. led.
preneur au traisiesme Minot de la part et portion
dud. sr bailleur sera tenu Jceluy preneur de travailler
Jncessament Sur Lad. terre pendant le temps des
semences et dedans lesd. troys annes abbattre et
debiter brusler troys arpentz de boys et deffricher
Lad. terre Sans deserver a plain Ce faict et Au
Moyen que led. sieur bailleur donne pour led.
travail desd. troys arpantz de boys bruslé et terre
deffrichee La somme de Cent Livres tz payable A
fur et a Mesure dud. travail et en blé et grain
fournira led. sieur bailleur aud. preneur en rentrant
dans Lad. ferme deux Cochons et a Moictye aussy
avec les eccroistz qui en pourront sortir lesquelz
eccroytz seront separez du Consentement des partyes
Lorsquilz adviseront bien estre et au plustard a la
fin de La glenure quilz pourront faire dans les
desertz Cooperera led. sieur bailleur de Nourriture
pour Nourrir lesd. cochons et en sera laissé p. led.
preneur deux a la fin de son bail sur lad. ferme
de pareille aage et grandeur que ceux quil
Luy auront esté donnez en rentrant en Jcelle
donne led. sr bailleur les Clostures toutte
meusuree a la Charge p. led. preneur de les
entretenir et Rendre en bon estat a la fin dud.
temps et de plus led. sieur bailleur Cedde
La levee de present Croissante sur lad. terre
au Moyen que led. preneur en Rendra aud. sieur
bailleur Le Nombre de huict Minotz de blé
françoys payable apres La Recolte faicte se
Reservant led. sieur de faire travailler sur lad.
terre sy faire le veult Sans quiceluy preneur
Len puisse enpescher et du Consentement desd.
partyes Celuy qui se vouldroict desdire dud.
Marche et bail aferme payera A Lautre la somme
de trente Livres tz et dont &c promettant &c
obligeant &c Renonceant &c Ce fut faict et
passé au Chasteau Richer Lan et Jour que
dessus en presence de Nicollas huot sieur
de st Laurentz et Martin Guay a Ce presentz
tesmoingtz lesquelz ont avec led. sieur bailleur
et Moy Nottaire susd. et soubsigné signé a
La presente Minutte et a led. Rose preneur
dict et declaré Ne scavoir escrire Ny signer
de Ce Jnterpellé suivant Lordonnan.
pierre cochon (paraphe) huot (paraphe) m (paraphe) Guay
Auber (paraphe)
Nott.
Transcrit par Normand Bertrand avril 2021