Acte notarié par Claude Auber entre Jacques Dodier et Noël Rose
Pardevant Claude Auber Nottaire et
greffier en la Coste et Seigneurye de beaupré
et tesmoingts Soubzsignez Le Mercredy vingt
et une jour de Mars gbic Soixante et troys
fut present en Sa personne Jacque dodier habitant
en Ladicte coste Lequel a Recongneu et Recongnoist
par Ces presentes avoir subrogé en son Lieu et
place a l’habita’on Laquelle Luy avoit este donnee
par les srs Marguilliers de Leglise de quebecq
Ladicte habita’on Scise proche Le Ruisseau appellé
La Grande Riviere A Noel Rose demeurant en
en Lad. Coste a ce present et acceptant Ladicte
subroga’on pour en Joüir par ledict Rose ainsy
qu’auroict peu faire Ledict dodier en Mettant
par Jceluy dodier Son Contract dacquest desd. srs
Marguilliers en Main audict Rose pour le
suivre de poinct en poinct Ce faict et au Moyen
que Led. Rose payera et acquittera Led. dodier
subrogeant envers lesd. srs Marguilliers de la
somme de quatre vingt Livres tz dont et de laqlle
somme Led. Rose donnera descharge dans six
sepmaine de Ce Jour ou a faulte de ce faire
dhommages^
sobligent a tous despentz^ et Jntherestz Lun vers
Lautre et dont &c promett. &c obligeant &c
Renonceant &c fait et passé au Chasteau Richer
Lan et Jour que dessus en presence de Nicollas
huot sr de St Laurentz et Jacque prevost a Ce present
tesmoingtz lesquelz ont avec Moy Nottaire soubzsigné signé
La presente Minutte et ont lesd. partyes dict et declaré
ne scavoir escrire ny signer de Ce Jnterpelez sui. lordonnan.
Paraphé ne Varietur
Verrier P. G’n’l Jacques prevost
(paraphe)
Du Laurent (paraphe)
greff.
Transcrit par Normand Bertrand mars 2021